اگر جی لوم همش سر کنج لوته
مزه ی مهسی دیین زلفل ولوته
چه کردی بام دائم مهس مهسم
بنه دس سر او قرانی جلوته
اگر رهتی و تی یک د نشهسی
و شیر زردی الان من قلوته
هنی هم خاطرت سی مو عزیزه
هنی قبلم همو خال پشت لوته
دوور بندیل زلفت پامه بهسه
چی او کوگی من چالش نشهسه
هنی اشفته و داغون دنیام
دل مو بی تو مهس و مهس و مهسه
شهر شلوغه ای دوور
پاته منه تا دم در
هر که بوینه زلفته
ایکنه کل شهره خبر
یه چن روزی هسی سرجا نهایم
د دونن مهستم عالم و ادم
مو که ساقی بییم هر جی اینشهسم
چه وابی بی یه پیکش کله پایم
وم ایگون قوم و خیشل هر چه وابو
بنه سر یک تیلته تا رد وابو
تو که باد ایزنه زر بوی زلفت
تیل بهسی مو چه درمون ایابو
بلندی زلفلت پر پیچ و تویه
و رنگ سه زمستون نصف شویه
بگو باید چطو رهنه بیایه
ووکه مهس و تیش هم من خویه
شهر شلوغه ای دوور
پاته منه تا دم در
هر که بوینه زلفته
ایکنه کل شهره خور
نظرات